СЕВИЛЛИА АУДИТ ХХК-ИЙН ТОВЧ ТАНИЛЦУУЛГА

Монгол улсын Засгийн газар 1993-1999 онд Дэлхийн Банк, Азийн Хөгжлийн Банкны буцалтгүй тусламжаар “Монгол улсын Нягтлан бодох бүртгэл, аудитын тогтолцоог боловсронгуй болгох” төслийг хэрэгжүүлсэн. Энэхүү төслийн удирдагч нь Флиппин улсын иргэн Макарио Ж.Севиллиа гэдэг хүн байсан бөгөөд тэрээр Монголын нягтлан бодогчдын дунд “МАК багш” гэж алдаршсан билээ.

“Севиллиа Аудит” ХХК-ийг үүсгэн байгуулагч Ч.Даваасүрэн нь 1995 оноос Сангийн Яамны Нягтлан бодох бүртгэлийн газарт ажиллаж байхдаа энэхүү төсөлд дотоодын зөвлөгчөөр Севиллиа багштай хамтран ажиллаж байсан. Мөн МАК багшийн бичсэн “Санхүүгийн бүртгэлийн үндэс” номыг 1997 онд англи хэлнээс монгол хэлнээ орчуулж хэвлүүлсэн. Хожим буюу 2008 онд бизнесийн зөвлөх үйлчилгээний компанийг үүсгэн байгуулж, “Севиллиа” гэж нэрлэсэн.

Севиллиа ХХК нь 2008 оноос бизнесийн зөвлөх үйлчилгээ, хөрөнгийн үнэлгээний чиглэлээр үйл ажиллагаа явуулж байгаад 2011 оноос Сангийн Сайдын тушаалаар аудитын үйл ажиллагаа эрхлэх тусгай зөвшөөрөл авч, одоо "Севиллиа Аудит" ХХК нэрээр үйл ажиллагаагаа тасралтгүй явуулж байна.

Туршлага

• Монгол улсын томоохон 100 орчим аж ахуйн нэгж, банк, санхүүгийн байгууллагын аудитын ажил
• Нэгдсэн Үндэстний Байгууллага, Дэлхийн Зөн, Азийн Хөгжлийн Банк зэрэг олон улсын байгууллагуудын хэрэгжүүлсэн 30 орчим төсөл, хөтөлбөрийн санхүүгийн тайлангийн болон үйл ажиллагааны аудит.
• 30 гаруй аж ахуйн нэгж, байгууллагын нягтлан бодох бүртгэлийн бодлогын баримт бичиг боловсруулалт.
• Уул уурхайн компаниудын нягтлан бодох бүртгэл, санхүүгийн тайлагналын 10 гаруй онцлог асуудлуудын шийдэл ба боловсруулалт.

Гишүүнчлэл

Манай компани нь Монголын Мэргэшсэн Нягтлан Бодогчдын Институт, Татварын Мэргэшсэн Зөвлөхийн Нийгэмлэгийн гишүүн байгууллага юм.